Fransanın "Lans" klubunun prezidenti Jerve Martel hazırda Bakıda səfərdədir. Sportnet.az-ın "La Voix du Nord"a istinadən məlumatına görə, o, rəhbərlik etdiyi klubun iqtisadi vəziyyəti ilə bağlı daha çox məlumat almaq üçün paytaxta gəlib.
Klub prezidentinin gəlişinə səbəb azərbaycanlı iş adamı, "Bakı"nın prezidenti Hafiz Məmmədovun vəd etdiyi məbləği "Lans"a ödəməməsidir.
Fransa mətbuatı Martelin Bakıda azərbaycanlı sahibkarları klubuna maddi yardım göstərməyə cəlb etmək istədiyini yazıb.
Qeyd edək ki, tərəflər arasında imzalanmış müqaviləyə əsasən Hafiz Məmmədov "Lans"a 2.5 milyon avro ödəməlidir.
