"Bu oyunda bizə 3 xal çox vacib idi. İlk dəqiqələrdən oyuna yaxşı başlamışdıq. Amma sonradan təşəbbüsü "Qarabağa" verdik". Sportnet.az-ın məlumatına görə, bunu "Neftçi”nin baş məşqçisi Arif Əsədov "Qarabağ"a 0:1 hesabı ilə yenildikləri Premyer Liqanın XXIII tur matçından sonra deyib.
O, son dəqiqələrdə qol buraxmalarına təəssüfləndiyini bildirib: "İkinci hissədə dəyişiklik etdik. Çox təəssüf, son dəqiqələrdə qol buraxdıq. Etiraf etmək lazımdır ki, "Qarabağ"ın heyəti çox gözəl komplektləşib və özəl üslubları var. Biz isə bundan sonra da hər oyuna 3 xal üçün çıxıb, mübarizəni sona kimi davam etdirəcəyik".
