16 yaşadək futbolçular arasında Azərbaycan çempionatının "Xəzər Lənkəran” – "Sumqayıt” matçından sonra dava düşüb. Sportnet.az-ın AFFA-nın rəsmi saytına istinadən məlumatına görə, toqquşmada "Xəzər Lənkəran”dan Mirabbas Qədirli ilə Nəriman Mirzəzadə, "Sumqayıt”dan isə Orxan Əfəndizadə fəal iştirak edib.
İntizam Komitəsi hər 3 futbolçunu 5 oyunluq cəzalandırıb. Davanın səbəbi məlum deyil. Oyunun 73-cü dəqiqəsində isə "Sumqayıt”ın futbolçusu Asif Hacıyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırılıb. O, 1 oyunluq cəza ilə qurtulub.
