Dünyada koronavirus tüğyan etməkdə davam edir.
Sportnet.az-ın "Worldometers"ə istinadən məlumatına görə, bu gün səhərə dünyada COVID-19-a 203 ölkədən 858 370 yoluxma halı qeydə alınıb. 177 931 insan sağaldığı halda, 42 311-i dünyasını dəyişib.
Son sutka ərzində dünyada koronavirusa daha 73 711 yeni yoluxma baş verib. Bunlardan daha çoxu ABŞ (24 742), İspaniya (7 967) və Fransada (7 578) gerçəkləşib. Ölüm halları isə daha çox ABŞ (912), İtaliya (837) və İspaniyada (748) olub.
Ümumilikdə isə ABŞ (188 530), İtaliya (105 792) və İspaniya (95 923) koronavirusun ən çox yayıldığı ölkələrdir. Koronavirusdan ölüm sayında da ilk 3-lükdə İtaliya (12 428), İspaniya (8 464) və ABŞ (4 053) qərarlaşıb.
Ötən gün Azərbaycanda 24 yeni koronavirus (COVID-19) infeksiyasına yoluxma faktı qeydə alınıb, 1 nəfər ölüb. Ümumilikdə ölkədə 298 koronavirus infeksiyasına yoluxma faktı qeydə alınıb. Onlardan 26 nəfər müalicə olunaraq sağalıb, 5 nəfər vəfat edib.
Hazırda 267 nəfərin xüsusi rejimli xəstəxanalarda müalicəsi davam etdirilir. Onlardan 11 nəfərin vəziyyəti ağır, 15 nəfərin vəziyyəti isə orta ağırdır. Müxtəlif karantin zonalarına yerləşdirilən 4 602 nəfərin müayinəsi ilə bağlı müvafiq tədbirlər həyata keçirilir.
