Formula-1 yarışlarının ikiqat dünya çempionu Fernando Alonso Azərbaycandan söz açıb. Sportnet.az-ın məlumatına görə, dünya şöhrətli idmançı ölkəmizdə olmaq imkanı qazandığına görə məmnun olduğunu bildirib.
Bu il iyunun 17-19-da Bakıda keçirilmiş Avropa Qran-Prisinin səfiri olan Alonso səfərini bir şans sayır: "Uğur motivasiyanın əsas faktorudur. Siz dünyanın ən yaxşı pilotu uğrunda güclü rəqiblərlə mübarizə aparırsınız. Podiuma qalxanda, yürüşü, çempionatı qazananda müqayisə olunmaz zövq alıram. Ancaq digər pozitiv anlar da var. İşim mənə həyat başqa cür olsaydı, görə bilməyəcəyim ölkələrdə - Hindistan, Koreya, Rusiya və ya Azərbaycanda olmağa imkan yaratdı. Mən Furbola-1-də çıxış edərək aldığım bonuslardan çox razıyam".
