"Bakı 2015" I Avropa Oyunlarında gümüş medal qazanmış Ukraynanın yunan-Roma güləşçisi Jan Belenyuk Kiyev meri Vitali Kliçko ilə selfi qarşılığında mənzil alıb. Sportnet.az-ın məlumatına görə, bu barədə 24 yaşlı idmançı "İnstagram"ında yazıb.
O, təklifi müsbət qarşıladığını bildirib: "Bizim gözəl merimizlə birgə. Mənzil qarşılığında o, mənə selfi təklif etdi. Əlbəttə, mən də razılaşdım".
Qeyd edək ki, Jan Belenyuk Kiyevdə yaşayış şəraitinin pis olmasından dəfələrlə şikayətlənib. O, "Bakı 2015"də 85 kq çəki dərəcəsində gümüş medala sahib olduqdan sonra Vitali Kliçkoya mənzil üçün müraciət edib. I Avropa Oyunları 12 - 28 iyunda keçirilib.
