"Neftçi" komandasının sabiq futbolçusu Karlos Kardozo İranın "Traktorsazi" klubu ilə müqavilə bağlayıb. Sportnet.az-ın məlumatına görə, 31 yaşlı müdafiəçi "qırmızılar"ın yay transfer dövründə anlaşdığı ilk legioner olub.
O, artıq Cənubi Azərbaycan təmsilçisinin heyətində ilk məşqə çıxıb. Kardozo yeni komandası ilə birgə iyulun 14-də səhər saatlarında Türkiyəyə 10 günlük təlim-məşq toplanışına yollanacaq. Hazırlıq prosesi çərçivəsində "Traktorsazi" 2 yoxlama matçı keçirəcək.
Qeyd edək ki, Karlos Kardozo "Neftçi"də 2013-cü ilin yayından çıxış edib. O, iki mövsümə 51 oyuna 4 qol vurub.
