Rumıniya və Yunanıstan yığmaları arasında AVRO-2016-nın seçmə qrup matçının keçirildiyi Buxarestdəki Milli stadionun meydançasına oyun zamanı qadın azarkeş daxil olub. Sportnet.az-ın məlumatına görə, zərif cinsin nümayəndəsi təkbaşına piket təşkil edib.
O, azarkeşlərə Justie for Craiova ("Krayovaya ədalət") və FRF=Mafia ("Rumıniya Futbol Federasiyası - Mafiya") şüarı yazılmış futbolkasını nümayiş etdirib. Problemə azarkeşlərin diqqətini cəlb etmək üçün qız hətta minlərlə insanın gözü qarşısında futbolkasını çıxarıb. Amma o, arenanın təhlükəsizlik xidməti əməkdaşları tərəfindən vaxtında ələ keçirilib.
Saxlanılan şəxs doğma klubu - Universitatya "Krayova"sının ötən il bankrot olması ilə əlaqədar araşdırma tələb edib.
