Boks üzrə Azərbaycan millisi dekabrın 3-də Birləşmiş Ərəb Əmirliklərinin Dubay şəhərində start götürəcək dünya çempionatına qatılacaq.
Federasiyanın mətbuat xidmətindən Sportnet.az-a verilən məlumata görə, baş məşqçisi Ravşan Xocayev 11 gün davam edəcək yarışda 11 boksçuya şans verəcək.
Dünya çempionatında Sübhan Mamedov (48 kq), Nicat Hüseynov (51 kq), Zəlimxan Süleymanov (54 kq), Ümid Rüstəmov (57 kq), Məhəmmədəli Aşurəliyev (60 kq), Maqsud Xasmetov (63,5 kq), Zaur Qəhrəmanov (67 kq), Sərxan Əliyev (70 kq), Səidcəmşid Səfərov (80 kq), Alfonso Dominqes (86 kq) və Məhəmməd Abdullayev (+92 kq) rinqə çıxacaqlar.
Mundialda Fuad Aslanovla Rövşən Qədirov hakimlər sırasında yer alacaqlar. Milli komandaya rəhbərliyi isə Azərbaycan Boks Federasiyası İdarə Heyətinin üzvü Rövşən Hüseynov edəcək.
Qeyd edək ki, dünya çempionatına 120-dən çox ölkə qatılacaq.
