Cüdo üzrə Azərbaycan çempionatına yekun vurulub. Sportnet.az-ın məlumatına görə, iki gün davam edən yarışda "Qəbələ” İdman Klubunun təmsilçiləri də çıxış edib. Çempionatda uğurla çıxış edən "qırmızı-qaralar"ın idmançıları 10 medal qazanıblar.
Yarışın ilk günündə Aişə Qurbanlı 48 kq çəki dərəcəsində ölkə çempionu adına yiyələnib. Onunla eyni kateqoriyada çıxış edən Şəfəq Həmidova 3-cü yerin sahibi kimi fəxri kürsüyə qalxıb.
Qadınların yarışında "Qəbələ" idmançıları daha üç medal əldə edib. Yalnız finalda uduzan Nərminə Əlizadə (+78 kq) gümüş, Leyla Şahin (57 kq) və Fəridə Qurbanova (63 kq) bürünc medala sahib çıxıblar.
Kişilərin mübarizəsində ilk gün Mehman Sadıxovun finala yüksəlməsi ilə əlamətdar olub. 60 kq çəki dərəcəsində çıxış edən idmançı həlledici görüşdə uduzaraq 2-ci yeri tutub.
Son gündə "Qəbələ"nin daha 4 idmançsıı fəxri kürsüyə qalxıb. Onlardan ikisi Azərbaycan çempionu tituluna yiyələnib. Uşanqi Kokauri (+100 kq) və Cəlil Şükürov (100 kq) bütün rəqiblərinə qalib gələrək, qızıl medallara sahib çıxıblar. Sonuncu ilə eyni çəki dərəcəsində çıxış edən Ruslan Aslanov 3-cü olub. Rüfət İsmayılov (81 kq) isə çempionatı gümüş medalla başa vurub.
Beləliklə, "Qəbələ" cüdoçuları iki gün davam edən Azərbaycan çempionatında 10 mükafat - 3 qızıl, 3 gümüş və 4 bürünc medal qazanıb.
Oğlanlar
-73
kq
1. Elvin Mustafayev - Atilla İKİB
2. Telman Vəliyev - Neftçi
3. Zülfiqar Quliyev - Atilla İKİB
3. Hüseyn Rəhimli - FHN
-81
kq
1. Tofiq Səfərli - Judo 2012
2. Rüfət İsmayılov - Qəbələ (Bakı)
3. Vüqar Bayramov - Atilla İKİB
3. Tural Hüseynov - Atilla İKİB
90
Kq
1. Abdulhaq Rəsullu - Neftçi
2. Aslan Mirzəyev - Neftçi
3. Azər Yaqubov - Neftçi
3. Ziya Namazov - Judo 2012
-100
kq
1. Cəlil Şükürov - Qəbələ (Bakı)
2. Sənan Əhmədov - İOEUGİM (Sum.)
3. Cəfər Əkbərli - Atilla İKİB
3. Ruslan Aslanov - Qəbələ (Bakı)
+100
kq
1. Uşanqi Kokauri - Qəbələ (Bakı)
2. Şahin Qəhrəmanov - Neftçi
3. Şamili Qoqotçuri - Atilla İKİB
3. İsa Hüseynov - Atilla İKİB
