Bolqarıstanın paytaxtı Sofiyada qadın boksçular arasında Avropa çempionatı start götürüb.
Sportnet.az-ın məlumatına görə, yarışda Azərbaycanı Məryəm Cəbrayılova təmsil edir.
69 kq çəki dərəcəsində qüvvəsini sınayacaq boksçu ilk döyüşünə iyunun 7-də çıxacaq. Birinci görüşdən azad olan idmançı 1/8 finalda türkiyəli Gülüzar Kara ilə üz-üzə gələcək.
Qeyd edək ki, Avropa çempionatı iyunun 12-si başa çatacaq. Turnirdə 32 ölkənin 146 boksçusu mübarizə aparır.
