Bu gün Azərbaycanın daha 2 cüdoçusu Portuqaliyanın paytaxtı Lissabonda davam edən Avropa çempionatında mübarizəyə qoşulub.
Sportnet.az-ın məlumatına görə, yarışın ikinci günündə 81 kq çəki dərəcəsində çıxış edən Hidayət Heydərov və Murad Fətiyev qüvvəsini sınayıb.
1/16 finalda almaniyalı Niklas Blöxl üzərində qələbə qazanan Heydərov növbəti raundda Belçika təmsilçisi Matias Kasseyə qızıl xal bölümündə uduzaraq, yarışla vidalaşıb.
Fətiyev də mübarizəyə 1/16 finaldan başlayıb. İlk görüşdə türkiyəli Vedat Albayraka ipponla məğlub olan cüdoçu çıxışlarını erkən başa vurub.
Qeyd edək ki, Avropa çempionatına aprelin 18-də yekun vurulacaq. Azərbaycan yarışda 9 cüdoçu ilə təmsil olunur. İlk gündə Kəramət Hüseynov (60 kq) bürünc medal qazanıb.
------------------
Bu gün Azərbaycanın daha 2 cüdoçusu Portuqaliyanın paytaxtı Lissabonda davam edən Avropa çempionatında mübarizəyə qoşulacaq.
Sportnet.az-ın məlumatına görə, yarışın ikinci günündə 81 kq çəki dərəcəsində çıxış edən Murad Fətiyev və Hidayət Heydərov qüvvəsini sınayacaq.
1/16 finalda Fətiyev türkiyəli Vedat Albayrak, Heydərov isə almaniyalı Niklas Blöxl ilə üz-üzə gələcək.
Qeyd edək ki, Avropa çempionatına aprelin 18-də yekun vurulacaq. Azərbaycan yarışda 9 cüdoçu ilə təmsil olunur. İlk gündə Kəramət Hüseynov (60 kq) bürünc medal qazanıb.
Avropa çempionatı
17 aprel
Kişilər
81 kq
1/16 final. Murad Fətiyev - Vedat Albayrak (Türkiyə)
1/16 final. Hidayət Heydərov - Niklas Blöxl (Almaniya)
1/8 final. Hidayət Heydərov - Matias Kasse (Belçika)
