Azərbaycanın daha bir cüdoçusu Çexiyanın paytaxtı Praqada təşkil olunan gənclərin Avropa çempionatında final görüşünü keçirib.
Sportnet.az-ın yarışa ezam olunmuş əməkdaşı xəbər verir ki, 81 kq çəki dərəcəsində çıxış edən Elcan Hacıyev həlledici qarşılaşmada italiyalı Brayt Maddaloni Nosanı sınağa çəkib.
Rəqibini ipponla məğlub edən Hacıyev fəxri kürsünün ən yüksək pilləsinə qalxıb.
Bununla da Azərbaycan cüdoçularının qitə çempionatında qazandığı medalların sayı 3-ə çatıb. Daha əvvəl Vüsal Qələndərzadə (73 kq) qızıl, Turan Bayramov (60 kq) isə gümüş medala sahib çıxıb.
Sportnet.az-ın yarışa ezam olunmuş əməkdaşı xəbər verir ki, 73 kq çəki dərəcəsində yarışan idmançı qızıl medal uğrunda qarşılaşmada italiyalı Luici Sentraççio ilə görüşüb.
Rəqibinə ipponla qalib gələn Qələndərzadə Avropa çempionu olub.
Qeyd edək ki, ilk yarış günündə Turan Bayramov 60 kq çəkidə gümüş medal qazanıb.
---------------------------
Azərbaycanın daha bir cüdoçusu Vüsal Qələndərzadə Çexiyanın paytaxtı Praqada keçirilən gənclərin Avropa çempionatında finala yüksəlib.
Sportnet.az-ın Praqaya ezam olunmuş əməkdaşının verdiyi məlumata görə, 73 kq çəki dərəcəsində yer alan Qələndərzadə yarımfinalda macarıstanlı Gergeli Adoryanini 3 dəqiqəyə ipponla üstələməyi bacarıb. Finalda o, italiyalı Luici Sentraççio ilə görüşəcək.
81 kq çəkidəki Elcan Hacıyev də finalda italiyalı Brayt Maddaloni Nosa ilə qarşılaşacaq.
Qeyd edək ki, ilk yarış günündə 60 kq çəki dərəcəsində yer alan Turan Bayramov gümüş medal qazanıb.
-------------------------
Azərbaycanın cüdoçusu Elcan Hacıyev Çexiyanın paytaxtı Praqada keçirilən gənclərin Avropa çempionatında finala yüksəlib.
Sportnet.az-ın Praqaya ezam olunmuş əməkdaşının verdiyi məlumata görə, 81 kq çəki dərəcəsində yer alan Hacıyev yarımfinalda çexiyalı Adam Kopeçkiyə 108 saniyəyə qalib gəlib. Finalda onun rəqibi italiyalı Brayt Maddaloni Nosa olacaq.
Azərbaycanın daha bir cüdoçusu, 73 kq çəkidəki Vüsal Qələndərzadə isə yarımfinalda macarıstanlı Gergeli Adoryani ilə qarşılaşacaq.
Qeyd edək ki, ilk yarış günündə 60 kq çəki dərəcəsində yer alan Turan Bayramov gümüş medal qazanıb.
----------------
Azərbaycanın iki cüdoçusu Çexiyanın paytaxtı Praqada keçirilən gənclərin Avropa çempionatında yarımfinala yüksəlib.
Sportnet.az-ın Praqaya ezam olunmuş əməkdaşının verdiyi məlumata görə, ikinci yarış günündə Vüsal Qələndərzadə (73 kq) və Elcan Hacıyev (81 kq) 1/4 final qarşılaşmalarından da qalib ayrılmağı bacarıb.
Qələndərzadə qızıl xal bölümündə italiyalı Vinçentso Pelleqranı vazari ilə yenib. Hacıyev isə serbiyalı Velimir Kosoviçi 109 saniyəyə ipponla üstələyib.
Yarımfinalda onlar müvafiq olaraq, macarıstanlı Gergeli Adoryani və çexiyalı Adam Kopeçki ilə üz-üzə gələcəklər.
Qeyd edək ki, ilk yarış günündə 60 kq çəki dərəcəsində yer alan Turan Bayramov gümüş medal qazanıb.
------------------------
Azərbaycanın iki cüdoçusu Çexiyanın paytaxtı Praqada keçirilən gənclərin Avropa çempionatında 1/4 finala yüksəlib.
Sportnet.az-ın Praqaya ezam olunmuş əməkdaşının verdiyi məlumata görə, ikinci yarış günündə 1/8 final qarşılaşmalarından Vüsal Qələndərzadə (73 kq) və Elcan Hacıyev (81 kq) qalib ayrılmağı bacarıb.
Onlar gürcüstanlı cüdoçuları məğlubiyyətə uğradıblar. Qələndərzadə Kote Kapanadzeni 50 saniyəyə ipponla yenib. Hacıyev isə sona 54 saniyə qalmış Giorgi Jabnaşvilini eyni qaydada üstələyib.
81 kq çəki dərəcəsindəki digər cüdoçu Ömər Rəcəbli isə 1/8 finalda isveçrəli Orelyen Bonferroniyə uduzub.
63 kq çəkidəki xanım cüdoçu Aytac Qardaşxanlı isə belçikalı Alessia Korrao ilə görüşdə vazari fəndi ilə öndə olsa da, ayağındakı ağrılar üzündən istədiyi kimi mübarizə apara bilməyib. Nəticədə o, ardıcıl 3 xəbərdarlıq alaraq, məğlubiyyətə düçar olub.
1/4 finalda Qələndərzadə italiyalı Vinçenso Pelliqra ilə, Hacıyev isə serbiyalı Velimir Kosoviçlə üz-üz gələcək.
Qeyd edək ki, ilk yarış günündə 60 kq çəki dərəcəsində yer alan Turan Bayramov gümüş medal qazanıb.
----------------------
Azərbaycanın 4 cüdoçusu Çexiyanın paytaxtı Praqada keçirilən gənclərin Avropa çempionatında ilk görüşünü qələbə ilə başa vurub.
Sportnet.az-ın Praqaya ezam olunmuş əməkdaşının verdiyi məlumata görə, ikinci yarış günündə tatamiyə əvvəlcə Aytac Qardaşxanlı çıxıb. Xanım cüdoçular arasında 63 kq çəki dərəcəsində yer alan Qardaşxanlı 1/16 finalda almaniyalı Nele Noakı vaxtından əvvəl ipponla üstələyib. O, 1/8 finalda belçikalı Alessia Korrao ilə üz-üzə gələcək.
Oğlan cüdoçulardan Elcan Hacıyev 81 kq çəki dərəcəsində monteneqrolu Marko Yanseri məğlubiyyətə uğradıb. Onun 1/8 finaldakı rəqibi gürcüstanlı Giorgi Jabnaşvili olacaq.
Eyni çəkidəki Ömər Rəcəbli isə estoniyalı Randel Pasteli sonuncu saniyədə ipponla yenib. Rəcəbli 1/8 finalda isveçrəli Orelyen Bonferronini sınağa çəkəcək.
Nəhayət, 73 kq-da Vüsal Qələndərzadə islandiyalı Kyartan Hreydarssonu ipponla udub. O, 1/8 finalda gürcüstanlı Kote Kapanadzeyə rəqib olub.
Qeyd edək ki, ilk yarış günündə 60 kq çəki dərəcəsində yer alan Turan Bayramov gümüş medal qazanıb.
----------------------------
Bu gün Azərbaycanın daha 4 cüdoçusu Çexiyanın paytaxtı Praqada keçirilən gənclərin Avropa çempionatında mübarizəyə başlayacaq.
Sportnet.az-ın Praqaya ezam olunmuş əməkdaşının verdiyi məlumata görə, yarışın 2-ci günündə tatamiyə çıxacaq idmançılardan 3-ü kişi, biri isə qadındır.
73 kq-da Vüsal Qələndərzadə 1/16 finalda Kyartan Hreydarssonla (İslandiya) üz-üzə gələcək.
81 kq çəki dərəcəsində Ömər Rəcəbli Randel Pasteli (Estoniya), Elcan Hacıyev Marko Yanseri (Monteneqro) sınağa çəkəcək. Hər iki görüş 1/16 finala təsadüf edəcək.
Qadınlardan isə 63 kq-da çıxış edən Aytac Qardaşxanlı 1/16 finalda Nele Noakla (Almaniya) görüşəcək.
Qeyd edək ki, ilk yarış günündə 60 kq çəki dərəcəsində yer alan Turan Bayramov gümüş medal qazanıb.
Kişilər
73 kq
1/16 final. Vüsal Qələndərzadə - Kyartan Hreydarsson (İslandiya)
1/8 final. Vüsal Qələndərzadə - Kote Kapanadze (Gürcüstan)
1/4 final. Vüsal Qələndərzadə - Vinçentso Pelleqra (İtaliya)
1/2 final. Vüsal Qələndərzadə - Gergeli Adoryani (Macarıstan)
Final. Vüsal Qələndərzadə - Luici Sentraççio (İtaliya)
81 kq
1/16 final. Ömər Rəcəbli - Randel Pastel (Estoniya)
1/8 final. Ömər Rəcəbli - Orelyen Bonferroni (İsveçrə)
1/16 final. Elcan Hacıyev - Marko Yanser (Monteneqro)
1/8 final. Elcan Hacıyev - Giorgi Jabnaşvili (Gürcüstan)
1/4 final. Elcan Hacıyev - Velimir Kosoviç (Serbiya)
1/2 final. Elcan Hacıyev - Adam Kopeçki (Çexiya)
Final. Elcan Hacıyev - Brayt Maddaloni Nosa (İtaliya)
Qadınlar
63 kq
1/16 final. Aytac Qardaşxanlı - Nele Noak (Almaniya)
1/8 final. Aytac Qardaşxanlı - Alessia Korrao (Belçika)
