AFFA İntizam Komitəsi "Turan Tovuz" və "Kəpəz" klublarını cərimələyib.
Sportnet.az xəbər verir ki, bölgə təmsilçiləri Azərbaycan Kubokunun 1/8 final mərhələsinin oyunlarında yaşananlara görə ziyana düşüb.
"Turan Tovuz" evdə "Sabah"a penaltilər seriyasında uduzduğu görüşdə azarkeşlərin hakimlərin ünvanına kütləvi şəkildə təhqiramiz ifadələr səsləndirməsi (cari mövsümdə ikinci dəfə) ucbatından 500 manat ödəyəcək. Meydan sahibləri həm də tərəfdarlar pirotexniki vasitədən istifadə etdiyi üçün 1500 manat cərimə olunub.
"Kəpəz" isə "İmişli"ni məğlub etdiyi (1:0) qarşılaşmada dörd futbolçusu sarı vərəqə ilə cəzalandırıldığından 700 manat verəcək.
