"Araz-Naxçıvan" Misli Premyer Liqasında "Səbail"i məğlub edib.
Sportnet.az xəbər verir ki, XVI turun ilk oyunu “ASCO Arena”da keçirilib.
Qarşılaşma Naxçıvan təmsilçisinin 2:0 hesablı qələbəsi ilə yekunlaşıb. 45+2-ci dəqiqədə Ramon Maçado penaltini dəqiq yerinə yetirib. 56-cı dəqiqədə Bernardo Dias adını tabloya yazdırıb.
Bu nəticədən sonra xallarını sayını 39-a çatdıran Naxçıvan klubu hələlik birinci pillədə qərarlaşıb. "Dənizçilər" 8 xalla sonuncu-onuncu sırada yer alıb.
Günün ikinci matçında "Qarabağ" "Sabah"ın qonağı olacaq.
Qeyd edək ki, turun digər oyunları 8-9 dekabrda gerçəkləşəcək.
Misli Premyer Liqası
XVI tur
7 dekabr (şənbə)
15:00. “Səbail” – “Araz-Naxçıvan” - 0:2
Qollar: Ramon Maçado, 45+2 (p.), Bernardo Dias, 56
Baş hakim: Rəşad Əhmədov
