"Kəpəz” komandası Bakıdakı təlim-məşq toplanışı çərçivəsində ikinci yoxlama oyununu keçirib. Sportnet.az-ın məlumatına görə, Gəncə komandası "Dalğa Arena”da AZAL-la qarşılaşıb.
Görüşə erkən qollarla başlayan "sarı-göylər” 10-cu və 14-cü dəqiqələrdə fərqlənib. Əvvəlcə gənc futbolçu Tural Rzayev dəqiq zərbə ilə hesabı açıb. Bir qədər sonra Şəhriyar Rəhimov topu "təyyarəçilər”in qapısına göndərməklə hesabı artırıb. İkinci hissədə AZAL buraxılan qollardan yalnız birinin əvəzini çıxıb. 11 metrlik cərimə zərbəsindən Tagim Novruzov fərqlənib - 2:1.
Qeyd edək ki, bu, "Kəpəz"in Bakı toplanışında ikinci qələbəsi olub. Baş məşqçi Şahin Diniyevin komandası ilk yoxlama oyununda "Sumqayıt”ı 1:0 hesabı ilə məğlub edib.
