"Qəbələ” komandası Avropa Liqasının II təsnifat mərhələsində Serbiya "Çukariçki”si ilə səfərdə keçirəcəyi ilk oyunun hazırlıqlarına start verib. Sportnet.az-ın məlumatına görə, ilk mərhələdə "Dinamo” (Tiflis, Gürcüstan) klubunu üstələdikdən sonra iki günlük istirahətə buraxılan futbolçular iyulun 12-də axşam məşqində bir araya gəlib.
Roman Qriqorçukun başçılıq etdiyi komanda əvvəlcə fiziki hazırlıq keçib, ardınca topla çalışıb. Məşqdə komandanın bütün futbolçuları iştirak edib. "Qırmızı-qaralar” növbəti məşqini bu gün keçirəcək.
Qeyd edək ki, "Çukariçki” – "Qəbələ” oyunu iyulun 16-də Bakı vaxtı ilə saat 23:30-da başlayacaq.
