2026-cı il dünya çempionatının Avropa zonası üzrə seçmə mərhələsində növbəti görüşlər keçirilib.
Sportnet.az-ın məlumatına görə, ümumilikdə 4 qrupda 8 qarşılaşma oynanılıb.
A qrupunda vahid liderlik uğrunda mübarizə aparan Şimali İrlandiya və Almaniya yığmaları bir-biri ilə üz-üzə gəlib. Görüş qonaqların minimal hesablı qələbəsi ilə yekunlaşıb. Digər matçda Slovakiya Lüksemburq üzərində inamlı qələbə qazanıb - 2:0. Bu nəticələrdən sonra Almaniya və Slovakiya 9 xalla şərikli liderlərdir. Şimali İrlandiyanın 6 xalı varsa, Lüksemburq xalsızdır.
B qrupunda lider İsveçrə Sloveniya ilə görüşdə qolsuz heç-heçə edərək, xal itirib. Bundan yararlanan Kosovo İsveç üzərində səfər qələbəsi sayəsində xal fərqini 3-ə endirib.
D qrupunda Fransa səfərdə İslandiya ilə 2:2 hesablı heç-heçə edərək, ilk dəfə xal itirib. Bununla belə, "xoruzlar" 10 xalla vahid liderdir. Bundan yararlanan Ukrayna Azərbaycan yığması üzərində 2:1 hesablı qələbə sayəsində 7 xalla 2-ci pillədə möhkəmlənib və qrup liderliyi uğrunda mübarizədə şanslarını yaxşılaşdırıb. İslandiyanın 4, Azərbaycanın 1 xalı var.
J qrupunda isə lider Şimali Makedoniya evdə Qazaxıstana məğlubiyyətdən çətinliklə yaxa qurtarıb - 1:1. Bundan yararlanan Belçika Uels üzərində 4:2 hesablı səfər qələbəsi sayəsində liderliyi ələ keçirib.
A qrupu
22:45. Şimali İrlandiya – Almaniya - 0:1
22:45. Slovakiya – Luksemburq - 2:0
Xal durumu: Almaniya - 9, Slovakiya - 9, Şimali İrlandiya - 6, Lüksemburq - 0
B qrupu
22:45. Sloveniya – İsveçrə - 0:0
22:45. İsveç – Kosovo - 0:1
Xal durumu: İsveçrə - 10, Kosovo - 7, Sloveniya - 3, İsveç - 1
D qrupu
22:45. Ukrayna – Azərbaycan - 2:1
22:45. İslandiya – Fransa - 2:2
Xal durumu: Fransa - 10, Ukrayna - 7, İslandiya - 4, Azərbaycan - 1
J qrupu
22:45. Şimali Makedoniya – Qazaxıstan - 1:1
22:45. Uels – Belçika - 2:4
Xal durumu: Belçika - 14 (6), Şimali Makedoniya - 13 (7 oyuna), Uels - 10 (6), Qazaxıstan - 7 (7), Lixtenşteyn - 0 (6).
