Türkiyənin Antalya bölgəsində təlim-məşq toplanışında olan "Qarabağ" komandası daha bir yoxlama matçı keçirib.
Sportnet.az-ın məlumatına görə, rəqib Xorvatiya "Osiyek"i olub.
Görüş Azərbaycan təmsilçisinin qələbəsi ilə yekunlaşıb - 3:1. Qurban Qurbanovun baş məşqçi olduğu kollektivdən qolları Musa Qurbanlı, Aleksey Kaşuk və Abbas Hüseynov vurub.
Qeyd edək ki, "Qarabağ" Antalyadakı ilk yoxlama matçında Özbəkistanın "Neftçi Fərqanə" komandasını darmadağın edib - 5:0. Toplanışa bu gün Bakı vaxtı ilə saat 19:00-da start götürəcək Polşa "Zaqlembe"sinə qarşı görüşlə yekun vurulacaq.
