UEFA Çempionlar Liqasında "Qarabağ" və İngiltərə "Nyukasl"ı arasında keçiriləcək pley-off mərhələsinin ilk oyununa hakim təyinatları açıqlanıb.
Sportnet.az-ın məlumatına görə, qarşılaşmanı Norveçdən olan referi Espen Eskas idarə edəcək.
Ona həmyerliləri Yan Erik Enqan və İsaak Elias Başevkin yan xətt hakimləri, Siqurd Kinqstad dördüncü hakim qismində yardımçı olacaq.
Niderlandlı Rob Diperink VAR hakimi, Dennis Hiqler isə onun köməkçisi funksiyasını yerinə yetirəcək.
Hakim-inspektor italiyalı Matteo Simone Trefoloni, UEFA nümayəndəsi isə litvalı İqnas Marsinkeviçyusdur.
Qeyd edək ki, fevralın 18-də Tofiq Bəhramov adına Respublika stadionunda keçiriləcək "Qarabağ" - "Nyukasl" matçı saat 21:45-də başlanacaq.
