Bu gün UEFA Çempionlar Liqasında pley-off mərhələsinin ilk 4 oyunu keçiriləcək.
Sportnet.az-ın məlumatına görə, Bakı vaxtı ilə saat 21:45-də başlanacaq açılış oyununda Türkiyənin "Qalatasaray" və İtaliyanın "Yuventus" komandaları üz-üzə gələcək.
İstanbuldakı "Rams Park"da təşkil olunacaq qarşılaşmanı niderlandlı baş hakim Danni Makkeli idarə edəcək.
Əsas mərhələdə "Qalatasaray" 8 oyundan 10 xalla 20-ci, "Yuventus" 13 xalla 13-cü yeri tutub.
UEFA Çempionlar Liqası
Pley-off mərhələsi, ilk oyunlar
17 fevral
21:45. "Qalatasaray" (Türkiyə) - "Yuventus" (İtaliya)
00:00. "Monako" (Fransa) - PSJ (Fransa)
00:00. "Benfika" (Portuqaliya) - "Real Madrid" (İspaniya)
00:00. "Borussiya Dortmund" (Almaniya) - "Atalanta" (İtaliya)
Cavab görüşləri fevralın 25-də olacaq.
Qeyd edək ki, Azərbaycan təmsilçisi "Qarabağ" pley-off mərhələsində ilk oyununu fevralın 18-də Tofiq Bəhramov adına Respublika stadionunda İngiltərə "Nyukasl"ına qarşı keçirəcək. Cavab matçı fevralın 24-də baş tutacaq.
