Almaniyanın “Bavariya” və Fransanın PSJ komandaları arasında keçiriləcək UEFA Çempionlar Liqasının yarımfinal mərhələsinin cavab oyununun hakimləri müəyyənləşib.
Sportnet.az xəbər verir ki, qarşılaşma Portuqaliyadan olan referiyə həvalə olunub.
Baş hakimi Joao Pineyroya yan xətt hakimləri qismində həmyerliləri Bruno Xesus və Lusiano Maya kömək edəcəklər.
Dördüncü hakim funksiyasını isə norveçli Espen Eskas yerinə yetirəcək.
İtaliyalı Marko Di Bello VAR hakimi, portuqaliyalı Tiaqo Martins VAR hakiminin köməkçisi olacaq.
Qeyd edək ki, mayın 6-da Münhendəki "Alyans Arena"da keçiriləcək matç Bakı vaxtı ilə saat 23:00-da başlayacaq.
