"Premyer Liqada ilk oyunumuza çıxdıq. İlk oyunlar çətin olur. Biz çox ağır oyun keçirdik". Sportnet.az-ın məlumatına görə, bunu "Zirə"nin baş məşqçisi Adil Şükürov AZAL-ı 1:0 hesabı ilə yendikləri Azərbaycan Premyer Liqasının ilk tur matçından sonra deyib.
Gənc mütəxəssis qələbəyə rəğmən, çatışmazlıqların da olduğunu bildirib: "Düzdür, təlim-məşq toplanışında olmuşduq. Amma istənilən halda ilk oyun çətin alındı. Çatışmazlıqlar var. Bunu aradan qaldırmalıyıq. Bütün bunlara rəğmən, ilk oyunu qalib başa vurduq. Bu münasibətlə klubumuzu təbrik edirəm”.
