İspaniyanın "Real Madrid” klubu müdafiəçi Serrxio Ramosla müqaviləni uzatmaq fikrindədir.
Futbolçu bir müddət əvvəl "Real Madrid”də özünü xoşbəxt hiss etmədiyini və ayrılmaq istədiyini bildirmişdi. Lakin Madrid klubunun rəhbərliyi onu müqaviləni uzatmağa razı sala biliblər.
Sportnet.az-ın məlumatına görə, futbolçu klubun rəsmi saytına açıqlamasında bu gün 2019/20 mövsümünə qədər 5 illik müqavilə bağlamaq fikrində olduğunu bildirib.
İmza mərasimi bu gün günorta saatlarında "Santiaqo Bernabeo”da baş tutacaq.
Qeyd edək ki, Ramos 2005/06 mövsümündə 27 milyon avro qarşılığında "Seviliya”dan "Real Madrid”ə transfer edilmişdi.
