Türkiyənin "Qalatasaray" klubunun futbolçusu Didye Droqba Soma şəhərində həlak olan şaxtaçıların ailələrinə maliyyə yardımı ayırıb. Sportnet.az-ın "Türk Futbola"a istinadən məlumatına görə, zərərçəkənlərin ailələrinə Droqba şəxsi hesabından 1 milyon avro ödəyib.
Onun illik əmək haqqı 7 milyon avrodur. 36 yaşlı forvardın həmklubu Uesli Sneyder isə yalnız mənəvi dəstəklə kifayətlənib. O, mətbuat vasitəsilə başsağlığı verib. "Qalatasaray"ın ildə 7,5 milyon avro qazanan baş məşqçisi Roberto Mançini də ölənlərin ailələrinə maddi yardım göstərməyib.
Qeyd edək ki, mayın 13-də şaxtanın uçması nəticəsində 282 nəfər ölüb, 100 nəfər isə uçan qatların altındadır.
