Xorvatiya Futbol Federasiyasının prezidenti Davor Şuker baş məşqçi Niko Kovaçın istefaya göndərilməsindən danışıb. Sportnet.az-ın məlumatına görə, federasiya rəsmisi Bakıda və Osloda keçirilən qarşılaşmaların nə cür nəticələnəcəyini heç kimin bilməyəcəyini deyib.
O, nəticənin çox vacib olduğunu bildirib: "Avropa çempionatına vəsiqə qazanmaq və 1998-ci ildə Fransadakı tarixi təkrarlamaq istəyirik. İnanıram ki, bütün bu problemləri geridə qoyaraq yenidən Fransaya yollanacağıq. Hazırda qrup üçüncüsü olduğumuz üçün narahatam. İnanıram ki, biz doğru adamı tapacağıq ki, geridə qalan 2 oyunda 6 xal qazansın. Ancaq İtaliyada Norveçə məğlub olmamalıdır".
Xorvatiya yığması hazırda 15 xalla qrup 3-cüsüdür.
Qeyd edək ki, Xorvatiya millisi 1998-ci ildə Fransada keçirilmiş dünya çempionatında üçüncülük uğrunda yarışda Hollandiyaya 2:1 hesabı ilə qalib gəlib və bürünc medala sahib çıxıb.
