"Oyundan-oyuna irəliləyiş var. Bunun fonunda çatışmazlıqlarımız da mövcüddur ki, onu aradan qaldırmalıyıq". Sportnet.az xəbər verir ki, bunu "Zirə"nin baş məşqçisi Adil Şükürov "Rəvan"ı 2:1 hesabı ilə yendikləri Azərbaycan Premyer Liqasının V tur matçından sonra deyib.
Gənc mütəxəssis oyun zamanı komandasına dəstək olan azarkeşlərə və əzmkar çıxış edən futbolçularına təşəkkür edib. O, matçın gedişində oyunçular arasında mübahisənin olmadığını, sadəcə, onların biri-birilərini eşitmədiklərini söyləyib. Şükürov bildirib ki, komandası çoxlu qol vəziyyəti yaratsa da, bunların yalnız 2-dən istifadə edə bilib: "Düşünürəm ki, yaxşı futbol oynayıb, qələbə qazandıq. "Rəvan” da pis oynamadı. Düşünürəm ki, qısa zamanda "Rəvan” mübariz komanda kimi formalaşıb”.
