"Oyundan və nəticədən razıyam". Sportnet.az-ın məlumatına görə, bunu "İnter"in baş məşqçisi Zaur Svanadze AZAL-ı 1:0 hesabı ilə yendikləri Azərbaycan Premyer Liqasının V tur matçından sonra deyib.
O bildirib ki, heyətdəki itkilərə rəğmən, komandası qələbəyə nail ola bilib: "Heyətimizdə bəzi problemlər vardı. Rauf Əliyev zədə səbəbindən oyunda iştirak edə bilmirdi. İvan Benitez və Səlahət Ağayevin də problemləri var. AZAL kimi komanda ilə oynamaq çətindir. Bütün bunlara baxmayaraq, yaxşı nəticə qazandıq və çox sayda qol epizodları yaratdıq. Çalışacağıq ki, növbəti oyunlarda da qələbələr əldə edək”.
