"Neftçi”nin futbolçusu Cavid İmamverdiyev FİFA-nın "Mübahisəli Məsələlərin Həlli Şurası”nın çıxardığı qərara münasibət bildirib. Sportnet.az-ın məlumatına görə, yarımmüdafiəçi klubun rəsmi saytına açıqlamasında "Neftçi” rəhbərliyinə, məşqçilərə və komanda yoldaşlarıma ona sahib çıxdıqları üçün minnətdarlıq edib.
O, tezliklə formasını bərpa edəcəyinə inam ifadə edib: "Bu işdə kimin əziyyəti varsa, hamısına minnətdaram. Hazırda zədəlilərimiz də çoxdur, inşallah, mən də 2-3 oyuna əvvəlki formamı bərpa eləyərəm”.
Cavid İmamverdiyev həmçinin azarkeşləri komandaya dəstək olmağa çağırıb: "Azarkeşlər mənim ürəyimdir. "Neftçi” azarkeşləri həmişə mənim ürəyimdə yaxşı kimi qalıb və qalacaqlar. Onlardan xahişim budur ki, komandanı çətin vəziyyətdə tək qoymasınlar. Biz onları sevirik, həmişə onları dəstəkləyirik. Onlarsız "Neftçi” heç nədir”.
