Türkiyənin "Qlatasaray" klubunun futbolçusu Səlçuk İnan Super Liqada "Fənərbağça" ilə keçiriləcək matç haqda fikirlərini bildirib. Sportnet.az-ın məlumatına görə, "aslanlar"ın kapitanı derbi matçı üçün heç bir təzyiq hiss etmədiklərini bildirib.
30 yaşlı yarımmüdafiəçi bunları deyib: "Çempionlar Liqasında "Benfika"ya qalib gələrək qrupdan çıxmaq üçün vacib addım atdıq. Son vaxtlarda gərgin oyunlarımız çox olur. Bu da onlardan biri idi. Çempionlar Liqasının 10 oyununda qələbə qazana bilmirdik və indi bunun sevincini yaşayırıq. Ancaq həftəsonu bəlkə də daha gərgin bir matçımız var. "Fənərbağça" ilə oyun üçün heç bir stres hiss etmirik. Çünki Şükrü Saracoğlunda oyunu uduzsan da çempion olarsan. Biz bunu yaşamışıq. Bu səbəbdən derbi üçün heç bir gərginlik hiss etmirik".
Qeyd edək ki, oktyabrın 25-də Super Liqanın IX turunda keçiriləcək "Fənərbağça" - "Qalatasaray" matçı Bakı vaxtilə saat 21:00-da start götürəcək.
