"Hər bir komandanın öz oyun üslübü var. Biz rəqibi yaxşı analiz etmişdik. Sadəcə, oyun taktikamız tez pozuldu". Sportnet.az-ın məlumatına görə, bunu "Rəvan"ın baş məşqçisi Bəhmən Həsənov "İnter"ə səfərdə 0:2 hesabı ilə uduzduqları Azərbaycan Premyer Liqasının IX tur matçından sonra deyib.
O, görüləsi işlərinin çox olduğunu açıqlayıb: "Qapımıza vurulan qolu görə bilmədim. Çünki həmin vaxt Fərid Quliyev zədə almışdı və diqqətim onda idi. Futbolçuların azlığını bəhanə eləmək istəmirəm. Çünki bu, mənim iş prinsipimə yaddır. Sadəcə, bildirim ki, işimiz çoxdur, işləməliyik”.
