"Qarabağ"ın baş məşqçisi Qurban Qurbanov komandanın zədəli futbolçularının son durumu barədə məlumat verib. Sportnet.az qol.az-a istinadən xəbər verir ki, 43 yaşlı mütəxəssis Ansi Aqollidə hələ də problemin olduğunu deyib.
Qurbanov Rəşad Sadıqovun zədəsinin isə sağalmaq üzrə olduğunu vurğulayıb: "Aqollidə hələ də problem var. O, son məşqə çıxdı, amma hələ də ağrı hiss edir. "Anderlext"lə oyuna çıxıb-çıxmayacağını dəqiq deyə bilmərəm. Ola bilər, zədəsinin sağalma müddəti uzansın. Rəşadın zədəsi isə sağalmaq üzrədir. Hazırıqlıqlar yaxşı səviyyədə davam edir. Bu gün də fərdi qaydada məşq etdi".
Qeyd edək ki, Avropa Liqasının VI turu çərçivəsində keçiriləcək "Anderlext" - "Qarabağ" qarşılaşması dekabrın 10-da Belçikanın paytaxtı Brüsseldəki "Constant Vanden Stock" stadionunda oynanılacaq.
