"Çox sevinirəm. Bura gələndən ilk dəfədir qələbə qazanıram. Həm də 2 qol vurduğum üçün şadam". Sportnet.az-ın məlumatına görə, bunu Azərbaycan Premyer Liqasının XVI turunda "İnter"lə keçirilmiş səfər oyunundan sonra "Sumqayıt"ın futbolçusu Amil Yunanov deyib
Yarımmüdafiəçi "bankirlər"ə qarşı oyunda imkanlardan maksimum yarandığını bildirib: "Komanda yoldaşlarım və baş məşqçim mənə dəstək oldular. Hər oyuna çıxanda özümdə qol vuracağımı hiss edirəm. İmkanlarımdan maksimum yararlandım. Bu heyətlə ilk 5-liyə, hətta ilk 3-lüyə oynaya bilərik. Son dəqiqələrdə qollar buraxmasaydıq, daha irəli gedə bilərdik".
