Bir müddətdir zədədən əziyyət çəkən "İnter"in futbolçuları artıq komandayla birgə məşqlərə qoşulub. Sportnet.az-ın məlumatına görə, Mirhüseyn Seyidov, Dieqo Martins və Nika Kvekveskiri artıq məşqləri bərpa edib.
Lakin onların bu gün Azərbaycan Premyer Liqasının XVII turunda "Rəvan"a qarşı keçiriləcək oyunda meydana çıxıb-çıxmayacağı dəqiq bilinmir. Hücumçu Rauf Əliyev və müdafiəçi İvan Benitez isə hələ də zədədən əziyyət çəkir.
"Rəvan"la oyuna çıxmayacaq daha bir futbolçu isə Nizami Hacıyevdir. O, sarı vərəqə limitini doldurduğu üçün "Bayıl Arena"da keçiriləcək matçı tribunadan izləməli olacaq.
