"Neftçi" qış fasiləsinə bu gün son qoyacaq. Sportnet.az-ın məlumatına görə, tibbi müayinədən keçəcək komanda üzvləri yanvarın 7-də məşqlərə başlayacaq.
Klubun təlim-məşq bazası, "Bakcell Arena" və Bakı Olimpiya stadionunda təşkil olunacaq təlim-məşq toplanışı müddətində komanda 3 yoxlama oyunu keçirməyi planlaşdırır. "Neftçi"nin yoxlama oyunlarının 14, 19 və 23 yanvar tarixlərində "Bakcell Arena"da keçirilməsi planlaşdırılıb.
Qeyd edək ki, "Neftçi" Azərbaycan Premyer Liqasının üçüncü dövrəsindəki ilk oyununu yanvarın 30-da keçirəcək. Paytaxt klubu həmin gün "Bakcell Arena"da "Sumqayıt"ı qəbul edəcək.
