Türkiyənin Antalya şəhərində məşqlərini davam etdirən "Zirə"nin bütün rəqiblərinin kimliyinə aydınlıq gəlib. Sportnet.az-ın məlumatına görə, yoxlama oyunlarında ilk rəqib Qazaxıstanın "Ordabasi" klubu olacaq.
Sabah "Traktor Sazi" ilə oyun keçirilməli olsa da, Təbriz klubunun Antalya toplanışından imtina etməsi üzündən dəyişiklik edilib. Bələkdə "Kaya” otelinin stadionunda baş tutacaq qarşılaşma Bakı vaxtı ilə saat 19:00-da başlayacaq.
Həmçinin, "qartallar" yanvarın 19-da qarşılaşacağı rəqibin də adı məlum olub. Adil Şükürovun rəhbərlik etdiyi komanda Almaniyanın Regional liqası təmsilçilərindən "Optik"lə görüşəcək. Həmin oyun Sidedə baş tutacaq və saat 19:00-da başlayacaq.
Yanvarın 22-də isə "Zirə" Rumıniyanın "Tırqu-Mureş" klubu ilə üz-üzə gələcək.
