Azərbaycan Premyer Liqasının XXI turunda "Qarabağ"ı qəbul edəcək "Kəpəz" oyuna itki ilə çıxacaq. Sportnet.az-ın məlumatına görə, yarımmüdafiəçi Budaq Nəsirov çempionatın liderinə qarşı oyunda meydanda olmayacaq.
20 yaşlı futbolçu sarı vərəqə limitini doldurub. O, XXII turda "İnter"lə səfər görüşündə meydanda ola biləcək.
"Kəpəz" və "Qarabağ" komandaları fevralın 14-ü Gəncə şəhər stadionunda üz-üzə gələcək. Oyunun start fiti saat 15:00-da səslənəcək.
Qeyd edək ki, Budaq Nəsirov son turda AZAL-la ev oyununda ilk qolun müəllifi olub.
