"Samir Məsimov komandamıza çox şey verə biləcək oyunçudur. O, Azərbaycanın ən yaxşı və populyar oyunçularındandır. Bunu da Bakıdakı media nümayəndələrinin reaksiyası sübut edir". Sportnet.az-ın məlumatına görə, bunu Sloveniya "Domjale"sinin yeni transferi Matey Orajem klubun rəsmi saytına açıqlamasında deyib.
O bildirib ki, "Neftçi"dən aldıqları 21 yaşlı yarımmüdafiəçi barədə xəbərlər həftə boyunca Azərbaycan telekanalları və saytlarında dolaşmağa başlayıb: "Samir bizə pulsuz başa gəldi. Onunla müqavilə bağlayarkən, bir gündə Azərbaycandan 7 jurnalist mənə zəng vurdu. Bu isə Məsimovun Azərbaycan çempionatının ulduzu olduğunu göstərir".
Qeyd edək ki, Samir Məsimov "Domjale" ilə 3 illik müqavilə bağlayıb.
