Futbol üzrə Avropa Liqasında 1/16 final mərhələsinin növbəti ilk oyunları keçirilib. Sportnet.az-ın məlumatına görə, gecədə 15 görüş baş tutub.
Qarşılaşmaların əksəriyyətində aşağı məhsuldarlıq qeydə alınıb.
"Qəbələ" klubunun qrup mərhələsindəki rəqibi Rusiya "Krasnodar"ı Çexiyada "Sparta"ya minimal hesabla uduzub. Eyni qrupda mübarizə aparmış Almaniyanın "Borussiya" (Dortmund) komandası isə Portuqaliya "Portu"suna 2 cavabsız qolla qalib gəlib.
"Qarabağ"ın çıxış etdiyi qrupdan növbəti mərhələyə yüksələn İngiltərə "Tottenhem"i İtaliyada "Fiorentina" ilə heç-heçə edib. Komandalar hərəyə 1 dəfə fərqləniblər. Həmin qrupda çıxış etmiş "Anderlext" isə Belçikada Yunanıstan "Olimpiakos"unu bir topla yenib.
Türkiyənin "Qalatasaray" klubu evdə İtaliya "Latsio"su ilə matçda münasibətlərinə aydınlıq gətirib. Meydan sahibləri hesabda erkən önə çıxsalar da, tezliklə qapılarında qol görüblər. Bu isə oyunda sonuncu olub. Beləliklə, 1:1 hesablı heç-heçə ilə kifayətlənən "sarı-qırmızılar"ı İtaliyada daha çətin sınaq gözləyir.
1/16 final mərhələsinin ilk oyununda Türkiyə "Fənərbağça"sı Rusiyanın "Lokomotiv" klubunu qəbul edib. Görüş meydan sahiblərinin 2:0 hesablı qələbəsi ilə yekunlaşıb.
Avropa Liqası
1/16 final mərhələsi, ilk oyunlar
22:00. "Borussiya" (Almaniya) - "Portu" (Portuqaliya) - 2:0
Qollar: Lukas Pişçek, 6. Marko Röys, 71
Dortmund. "Siqnal İduna Park"
22:00. "Fiorentina" (İtaliya) - "Tottenhem" (İngiltərə) - 1:1
Qollar: Federiko Bernardeski, 59 - Naser Şadli, 37-penalti ilə
Florensiya. "Artemio Franki" stadionu
22:00. "Vilyarreal" (İspaniya) - "Napoli" (İtaliya) - 1:0
Qol: Denis Suares, 82
Vilyarreal. "El Madriqal" stadionu
22:00. "Mityulland" (Danimarka) - "Mançester Yunayted" (İngiltərə) - 2:1
Qollar: Pione Sisto, 44. Pol Onuaçu, 77 - Memfis Depay, 37
Herninq. "Herninq" stadionu
22:00. "Sevilya" (İspaniya) - "Mölde" (Norveç) - 3:0
Qollar: Fernando Lyorente, 35; 49. Kevin Qameyro, 72
Sevilya. "Ramon Sançes Pisxuan"
22:00. "Anderlext" (Belçika) - "Olimpiakos" (Yunanıstan) - 1:0
Qol: Seriny Mboci, 67
Brüssel. "Konstant Vandenstok" stadionu
22:00. "Sent Etyen" (Fransa) - "Bazel" (İsveçrə) - 3:2
Qollar: Mustafa Sall, 9. Kevin Monne-Pake, 39. Jan-Kristof Bahebek, 77 - Valter Samuel, 44. Mark Yanko, 56-penalti ilə
Sent Etyen. "Jeffrua Gişar" stadionu
00:05. "Qalatasaray" (Türkiyə) - "Latsio" (İtaliya) - 1:1
Qollar: Sabri Sarıoğlu, 12 - Sergey Milinkoviç-Saviç, 21
İstanbul. "Ali Sami Yen" stadionu
00:05. "Ausburq" (Almaniya) - "Liverpul" (İngiltərə) - 0:0
Auqsburq. "SLG-Аrеnа"
00:05. "Marsel" (Fransa) - "Atletik" (Bilbao, İspaniya) - 0:1
Qol: Aris Adurits, 54
Marsel. "Velodrom" stadionu
00:05. "Şaxtyor" (Donetsk, Ukrayna) - "Şalke" (Almaniya) - 0:0
Lvov. "Lvov Arena"
00:05. "Syon" (İsveçrə) - "Braqa" (Portuqaliya) - 1:2
Qollar: Mussa Konate, 53 - Nikola Stoliykoviç, 13. Rafa Silva, 61
Syon. "Turbion" stadionu
00:05. "Sparta" (Çexiya) - "Krasnodar” (Rusiya) - 1:0
Qol: Lukaş Yuliş, 64
Praqa. "Letna" stadionu
00:05. "Sportinq" (Portuqaliya) - "Bayer" (Leverkuzen, Almaniya) - 1:0
Qol: Karim Bellarabi, 26
Lissabon. "Joze Alvarade" stadionu
00:05. "Valensiya" (İspaniya) - "Rapid" (Vyana, Avstriya) - 6:0
Qollar: Santi Mina, 4; 25. Daniel Parexo, 10. Alvaro Neqredo, 29. Andre Qomes, 35. Rodriqo, 89
Valensiya. "Mestalya" stadionu
Qeyd edək ki, cavab görüşləri 24-25 fevralda keçiriləcək.
