Nərimanov Rayon Məhkəməsində "Azərbaycan Beynəlxalq Bankı” ASC-dən kredit götürərək qaytarmamaqda günahlandırılan "City Developer” MMC-nin direktoru Ratmir Bəkirov daha 3 ay həbsdə qalacaq.
Sportnet.az "Report”a istinadən xəbər verir ki, hakim Turqay Hüseynovun sədrliyi ilə keçirilən iclasda iş adamı barəsində həbs qətimkan tədbirinin müddəti artırılıb.
Qeyd edək ki, Ratmir Bəkirov fəaliyyətini dayandırmış "Simurq” klubunun prezidenti Anar Bəkirovun atasıdır. 2015-ci ildə saxlanılmış ata Bəkirovun "Azərbaycan Beynəlxalq Bankı” ASC-yə təxminən 50 milyon dollar borcunun olduğu bildirilir. R.Bəkirov barəsində Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) maddəsi ilə cinayət işi başlanıb. Nərimanov Rayon Məhkəməsinin qərarı ilə bir neçə dəfə onun barəsində seçilmiş həbs qətimkan tədbirinin müddəti uzadılıb.
