"İnter"in baş məşqçisi Kaxaber Tsxadadze iyulun 10-da Avropa Liqasının I təsnifat mərhələsinin cavab oyunu çərçivəsində "Tiraspol"la qarşılaşma zamanı azarkeş dəstəyindən danışıb. Sportnet.az-ın məlumatına görə, gürcüstanlı mütəxəssis stadiona toplaşan azarkeşlərə təşəkkürünü bildirib.
Tsxadadze "Şəfa" stadionunda möhtəşəm atmosferin olduğunu söyləyib: "Stadiona gələn bütün azarkeşlərə göstərdikləri dəstəyə görə minnətdarlığımı bildirmək istəyirəm. Komandanın hesabda geri düşməsinə baxmayaraq dəstəklərini əsirgəmədilər".
