Azərbaycan Kubokunun 1/4 final mərhələsinin ilk turunda keçiriləcək "Xəzər Lənkəran"la səfər oyununa "Neftçi" itkilərlə yollanacaq. Klubdan Sportnet.az-a verilən məlumata görə, bu gün günorta saatlarında Lənkərana yola düşəcək Bakı klubunun 2 futbolçusu sabahkı oyunda meydana çıxmayacaq.
Bunlar zədədən əziyyət çəkən Məqsəd İsayev və Məhəmməd Qurbanovdur. Əsgər Abdullayev komandasını bu gün oyunöncəsi son məşqə çıxaracaq.
Qeyd edək ki, martın 2-də Lənkəran şəhər stadionunda keçiriləcək oyun saat 14:00-da başlayacaq.
