"İnter"in Avropa Liqasının II təsnifat mərhələsində İsveçin "Elfsborq" komandası ilə keçirəcəyi ilk oyun üçün səfər proqramı müəyyənləşib. Sportnet.az-ın məlumatına görə, "bankirlər" iyulun 15-də çarter reysi ilə yola düşəcək.
Komanda İsveçin Buros şəhərində məskunlaşacaq. Oyundan bir gün öncə Kaxaber Tsxadadze komandasını "Buros Arena"da məşqə çıxaracaq. Qarşılaşma da məhz bu arenada baş tutacaq.
Qeyd edək ki, iyulun 17-də keçiriləcək oyun Bakı vaxtı ilə saat 21:00-da başlanacaq.
