"Neftçi"nin baş məşqçisi Əsgər Abdullayev istefa verib. Sportnet.az-ın məlumatına görə, təcrübəli mütəxəssis bu qərarı "Qəbələ"yə evdə 1:2 hesabı ilə uduzduqları Azərbaycan Premyer Liqasının XXIV tur matçından sonra verib.
O, oyundan sonra təşkil olunmuş mətbuat konfransında rəhbərliyə istefa qərarını bildirdiyini deyib: "Neftçi" bu yerdə getməyə layiq deyil. Mən istefa verdiyimi bildirirəm və bununla bağlı ərizəmi rəhbərliyə təqdim edəcəyəm. Digər məşqçilərin qalıb-qalmayacağını deyə bilmirəm. Köməkçim Samir Əliyev bu gün oyunda idi. Sadəcə, ehtiyat oyunçular skamyasında yox, tribunada oturmuşdu".
Qeyd edək ki, Əsgər Abdullayev ikinci dövrənin əvvəlində məhz Samir Əliyevi baş məşqçi postuna əvəzləmişdi.
