"Hər iki qolumu anama həsr edirəm. Çünki onun ad günüdür. Xeyli məsafə qət edib gəlib ki, doğum gününü mənimlə birgə qət etsin". Sportnet.az-ın məlumatına görə, bunu "Qəbələ" ilə oyunda dubl edərək, "Zirə"yə qələbə qazandıran Nelson Bonilya CBC Sport-a deyib.
Salvadorlu hücumçu anasına belə gözəl hədiyyə etdiyi üçün özünü xöşbəxt saydığını bildirib. O, ilkin məqsədlərinin Premyer Liqada möhkəmlənməkdən ibarət olduğunu söyləyib: "Bundan sonrakı matçlarda da əlimizdən gələni edəcəyik ki, çempionatı mümkün qədər yaxşı yerlərdə tamamlayaq. Məsələn, "Qarabağ", "Qəbələ" kimi komandalar çempionluq barədə düşünə bilərlər. Biz isə mümkün qədər yüksək pillələri hədəfləmişik.
Qeyd edək ki, "Qəbələ" ilə qarşılaşmada "Zirə" hesabda geri düşməsinə baxmayaraq, qalib olub - 2:1. Nelson Bonilya ""dubl"u sayəsində qollarını 10-a çatdıraraq, bombardirlər siyahısında liderliyə yüksəlib.
