Azərbaycan Premyer Liqasının XXVI turunda AZAL-ı qəbul edəcək oyuna "Zirə" iki itki ilə çıxacaq. Sportnet.az-ın məlumatına görə, bunlar Dieqo Qusmano və Nelson Bonilladır.
28 yaşlı braziliyalı yarımmüdafiəçi zədəli olduğundan "təyyarəçilər"ə qarşı meydana çıxa bilməyəcək. Bonilla isə sarı vərəqə limitini doldurduğu üçün bu tur komandasını tribunadan dəstəkləməli olacaq.
Qeyd edək ki, martın 20-də keçiriləcək "Zirə" - AZAL matçı saat 15:30-da başlayacaq.
