"Neftçi"nin futbolçusu Ruslan Qurbanov Azərbaycan Premyer Liqasının XXIX turunda "Xəzər Lənkəran"ın qapısından keçirdiyi qoldan sonra şəhidləri yad etməyi unutmayıb. Sportnet.az-ın məlumatına görə, Azərbaycan millisinin hücumçusu tribunalar önündə duraraq, formasının qaldırıb.
O, maykasında yazılmış "Şəhidlər ölməz, Vətən bölünməz!" şüarını nümayiş etdirib. Daha sonra Qurbanov komanda yoldaşları Cavid İmamverdiyev və Anyete ilə birgə hərbi salam verib.
Qeyd edək ki, bu, Ruslan Qurbanovun Premyer Liqada 10-cu qolu olub.
