"Qəbələ"nin 19 yaşadək futbolçulardan ibarət komandası Azərbaycan çempionu adına yiyələnib. Sportnet.az-ın məlumatına görə, Hüseynqulu Quliyevin yetirmələri çempionat başa çatmamış 1-ci yeri təmin edən U-15, U-16 və əvəzedicilərin ardından əyalət klubuna cari mövsümdə 4-cü çempionluğu qazandırıb.
U-19 qızıl medallarla yanaşı, avrokuboklara vəsiqəni də təmin edib. Ötən ildən etibarən bu yaş qrupu üzrə Azərbaycan çempionu UEFA Gənclər Liqasının "Çempionlar yolu”nda çıxış etmək hüququ qazanır.
