"İnter"in futbolçusu Mirhüseyn Seyidov klubla müqaviləsini uzadır. Bu haqda Sportnet.az-a futbolçunun özü məlumat verib.
24 yaşlı yarımmüdafiəçi karyerasını bu klubda davam etdurmək istədiyini bildirib: "Düzdür, son 2 turda oynamıram. Ancaq belə götürəndə fərqi yoxdur, əsas odur komanda 3-cü yeri tutsun. Klubla gələn mövsümlə bağlı danışığımız olub. "İnter"lə müqaviləmi uzatmaqla bağlı ilkin razılıq var. Çalışacağıq ki, bunu həyata keçirək. Özüm də istəyirəm ki, komandada qalım. Gözəl kollektivimiz var. Avrokuboklarda oynaya bilməyəcəyimizə görə hardasa ruh düşkünüyü var. Ancaq bu, qismətdir. Eybi yoxdur, gələn il avrokuboklara vəsiqə qazanaraq çıxış edərik".
Qeyd edək ki, Seyidov "İnter"ə ötən yay "Neftçi"dən gəlib.
