AFFA-nın keçirdiyi U-17 və U-16 Liqalarının qalibləri mükafatlandırılıb. Sportnet.az-ın məlumatına görə, bu, 17 yaşadək futbolçulardan ibarət yığma komandalar arasında Avropa çempionatının yarımfinalında - İspaniya - Almaniya oyunun fasiləsində olub.
"Dalğa Arena"da keçirilən mərasimdə ilk olaraq 17 yaşlılar mükafatlarına qovuşublar. U-17 Liqasında qızıl, gümüş və bürünc medalçılar müvafiq olaraq "Neftçi", "Qəbələ" və "Sumqayıt" olublar. 16 yaşlılarda isə həmin əyarlı medallar "Qəbələ", "Əlincə" və "Neftçi"yə nəsib olub. Komandalara mükafatları AFFA-nın katibi Elxan Məmmədov, İcraiyyə Komitəsinin üzvləri İsgəndər Cavadovla Vaqif Cavadov təqdim ediblər.
Xatırladaq ki, günün ilk yarımfinal matçında - Portuqaliya - Hollandiya oyunun fasiləsində U-19 Liqasının mükafatlandırılması olub.
